Díli, 29 Outubru 2025: Prezidente Komisaun Ezekutiva EDTL,E.P. Dr. Paulo da Silva akompaña husi Komisáriu Ezekutivu Serbisu Tèkniku Eng. Roberto Manuel Marçal, Diretór Produsaun no Enerjia Renovaveis, Eng. Andre Boavida, no xefi unidade operasaun Hera, kuarta-feira ne’e, hala’o enkontru ho jestor kompaña Wartsila ne’ebé responsável ba sistema operasaun Sentral Hera ho Betano, iha Gabineti PCE, Kaikoli Dili.

Objetivu husi enkontru mak jestor kompaña Wartsila atualiza aktividade servisu operasaun no manutensaun iha Sentrál Hera no Betano nomos partilla progrésu iha area formasaun ne’ebé Wartsila kontinua fó ba funsionáriu EDTL, E.P. atu hodi hasae kapasidade téknika no melloramentu prestasaun servisu iha setór enerjia.