Díli, 30 de Outubru 2025| Eletricidade de Timor-Leste, Empresa Pública (EDTL, E.P) liu-husi Divizaun  Apovizionamentu ohin hahú ona enkontro pré-via ho kompaña sira ne’ebé interese atu ezekuta projetu eletrifikasaun ne’ebé hanaran “Pakote Timor Naroman”, enkontru ne’e hala’o iha salão Apuramento CNE-Díli, quinta-feira ne’e.

Projeto eletrifikasaun “Pakote Timor Naroman” kompostu pakote 61 ne’ebé kobre ba Aldeia hamutuk 186 no bairo sira iha teritório Timor-Leste ne’ebé identifikadu seidauk asesu enerjia elétrika.

Iha intervensaun, Prezidente Komisaun Ezekutiva, Dr. Paulo da Silva sente orgullu tanba iha faze inísiu prosesu aprovizionamentu kompaña Timoroan sira ne’ebé interese hakarak sai parseiru EDTL, E.P nian hodi implementa projetu eletrifikasaun nivél aldeia ne’ebé lansa ona.

EDTL, E.P sei halo prosesu tansparánsia bazea ba regras ho prosedimento sira ne’ebé fó sai ona.

Além de ne’e, husu kompaña sira ne’ebé manan projetu hirak ne’e, atu aselera serbisu tuir polítika governu nian ne’ebé tinan-oin fim de 2026 sei konklui 100% rásiu eletrifikasaun asesu enerjia elétrika.