Díli, 09 Janeiro 2026| Presidente Comissão Executiva (PCE), Dr. Paulo da Silva acompanha husi Comisário Executivo Serviço Técnico, Eng. Roberto Manuel Marçal, Comisário Executivo Serviço Corporativo, Júlio de Jesus Gonçalves inclui Diretór Rede Transmisão, Eng. Egídio N.S. Soares, sexta-feira ne'e hala'o ho Presidente Autoridade Município Ermera (PAM), José Martinho dos Santos Soares, iha edifício EDTL, E.P Gleno.

Iha encontro ne'e, Presidente Comissão Executiva, Dr. Paulo da Silva hatete, iha tempo besik EDTL, E.P sei construi mini-subestação ida iha Gleno hodi responde ba problema ahi mate iha Muniçípio Ermera.

Além de ne'e, Dr. Paulo da Silva husu autorização ba PAM hodi ofereçe rai mamuk ho espaço mínimo 50×100 metro quadrado hodi halo construção mini-subestação refere.

Presidente Autoridade Município Ermera (PAM), José Martinho dos Santos Soares agradeçe ba iniçiativa EDTL, E.P nian atu hadiak qualidade forneçemento enerjia elétrica liu-husi rehabilitação linha no construção mini subestação ne'e, hodi resolve povo Ermera nia preocupação sobre ahi-mate durante ne'e.

Hafoin ne'e, PCE ho equipa halo visita mos ba fatin armazenamento equipamentos elétricos hodi observa direta condições armazén refere.

Média, EDTL, E.P