Díli, 15 Janeiro 2026| Eletricidade de Timor-Leste, Empresa Pública, (EDTL, E.P) liu-hosi companha manan-nain KRD ENTERPRISE PTE, LTD jv ALGIS ENG. CONS. UNIP LDA ba projeto construção edifíçio foun EDTL, E.P nian iha Fuiloro, Municipio Lautem ohin halo ona lançamento primeira pedra no tuir plano sei remata iha fulan desembro tinan ne’e.

Hafoin lançamento Secretário de Estado da Eletricidade, Água e Saneamento, Santos Noronha hatete, projeto construção novo edifíçio EDTL, E.P nian ne’e hanesan paço ida atu melhora serviço forneçemento energia elétrica ba comunidade sira ho qualidade.

Tanba ne’e, governate ne’e husu companha, hanesan Timor-oan tem que iha responsabilidade no contribui ba desemvolvimento liu-hosi implementação obra ne’ebé qualidade, nune’e bele usa ba longo prazo.

Biban ne’e, Presidente do Conselho de Administração EDTL, E.P Dr. Marito Ferreira hatete, hafoin Timor-Leste restaúra independénsia pela primeira-vez EDTL, E.P construi edifíçio permanente ida iha Muniçipio Lautem, hodi halo serviço administração no atendimento clientes.

Participa iha serimónia lançamento ne’e, Secretário de Estado da Eletricidade, Água e Saneamento, Santos Noronha, Presidente Autoridade Muniçipio Lautem, Rev. Amo Pároco St. Paulo Lospalos, Autoridade PNTL, repsentante husi BTL, E.P, Diretór Naçional Regulação Eletricidade, Água e Saneamento (DNREAS), dirigente no funçionário EDTL, E.P.

Média, EDTL, E.P