Díli, 26 Fevereiru 2026| Komisaun Ezekutiva, Eletricidade de Timor-Leste, Empresa Pública (EDTL, E.P), kinta-feira ne’e simu Komisaun Finansas Públikas Parlamentu Nasional ne’ebé halo aksaun fiskalizasaun ba EDTL, E.P. iha ambitu ezekusaun orsamentál, inklui mós análize relatoriu kontas tinan sira kotuk nian, no mós materiás pertinente sira.

Iha biban ne’e, Prezidenti Komisaun Ezekutiva, Dr. Paulo da Silva apresia prezensa Komisaun C Parlamentu Nasionál nian iha EDTL, E.P hodi halo fiskalizasaun ba ezekusaun orsamentál iha empresa ne’e.

Dr. Paulo da Silva aprezenta mos ezekusaun orsamento 2025, planu programa no orsamentu 2026 EDTL, E.P nian Hansan tuir mai; Durante 2022-2025 EDTL, E.P konsege kolekta reseitas $ 265,354,173.39 liu-husi atividade inspesaun illegal, pos-pagu no pre-pagu, nova ligasaun, dokumentus tenderizasaun inklui jurus husi banku.

Além de ne’e, aprezenta mos planu no programa perioridade sira iha tinan ne’e, Melhoramento Serbisu Eletricidade; Projetu cabo subterrano: Bidau-Colmera-Rotunda NL, Colmera-Balide-Kuluhun-Audian, BJ-Pantai Kelapa-TP, Rede transmisaun Aileu (Estudu), Rehabilitasaun lina MT no BT (Tibar-Aileu, Balibar-Aileu, Laga-Baguia, Aileu-Maubise, Viqq-Ossu-Venilale), Construsaun gardu hubung/interconecsaun (Aitarak laran).

Diversifikasaun fontes de energia; Construsaun 72MW SPV iha Laleia - Manatuto, BEES 36MWh, Construsaun 3MW SPV Atauro, BESS 3MWh, Estudu Viabilidade Energia Anin iha Oleo (Bobonaro) no Larigutu (Viqueque).

Finalizasaun eletrifikasaun nivel aldeia; Projetu eletrifikasaun nivel aldeia no bairu hamutuk 186, total pakote 81, Construsaun no instalasaun projetu eletrifikasaun hamutuk 61 pakotes, Hasae Receitas, Reforsa Institusaun, Seguru (Insurance) ba Funsionariu, Melhoria Fasilidade e Apoio Tekniku, Reforsa Ekipamentu & Melhoria Fasilidade.

Prezidenti Komisaun Finansas Públikas, Deputada Cedelizia Faria dos Santos agradese disponibilidade jerente EDTL, E.P nia hodi aprezenta programa perioridade sira ne’ebé implementa ona inklui relatóriu ezekusaun orsamentál 2025 nian.  

Fiskalizasaun ne’e dirije husi Prezidenti Komisaun Finansas Públikas, Deputada Cedelizia Faria dos Santos no partisipa husi membru komisaun C, Prezidenti Komisaun Ezekutiva, Dr. Paulo da Silva no membru sira. Atividade refere hala’o iha sala formasaun EDTL, E.P Caicoli-Díli.

Média, EDTL, E.P.