Díli, 12 Fevereiru 2026| Komisaun Ezekutiva, Eletricidade de Timor-Leste, Empresa Pública (EDTL, E.P.) ohin ofisialmente asina kontratu servisu durante fulan ne’en (6) ho graduado nain 20 husi Fakuldade Engenharia, Universidade de Timor Lorosae (UNTL) hodi apoiu servisu servisu inspeksaun no verifikasaun, artividade ne’e hala’o iha sala formasaun EDTL, E.P. Kaikoli-Díli.

Iha intervensaun Prezidenti Komisaun Ezekutiva, Dr. Paulo da Silva hatete, EDTL, E.P. presiza mos kontribuisaun husi akadémiku sira hodi dezenvolve setór eletrisidade iha Timor-Leste, tanba ne’e, kontinua halo kooperasaun diak ho UNTL, liu-liu fakuldade enginharia nune’e apoiu forsa traballu iha instituisaun ne’e hodi garante sustentabilidade fornesimentu enerjia ba ema hotu.

Além de ne’e, Reitór UNTL, Prof. Dr. Joviano António da Costa agradese ba EDTL, E.P. tanba servisu hamutuk ona ho UNTL, oferese ona oportunidade ba graduadu hamutuk 20 pesoas ne’ebé selesionadu atu kontribui sira nia abilidade no koñesementu iha dezenvolvimentu setór eletrisidade.

Pesoal nain 20 ne’e, sei koloka ba ekipa rua mak hanesan, 10 pesoas sei halo servisu inspeksaun ba ligasaun ilegal sira no verifikasaun, nain 10 seluk sei apoiu servisu manutensaun iha liña jeral. Além ne'e, sei partisipa formasaun hotline maintenance molok hala’o servisu iha terrenu.

Média, EDTL, E.P