8001000 / 3339258
8001000 / 3339258
Departementu PER nia papél maka atu asegura atividade iha produsaun enerjia eletrika liu husi serbisu operasaun no manutensaun bá Sentral Eletrika Hera, Betano, Atauro no Comoro, halo serbisu koordenasaun, inspesaun no monitorizasaun bá fornesimentu mina ba sentral eletrika sira. Halo realizasaun ba peskuiza no rekollamentu fonte enerjia renovável no instalasaun paineis solares iha area izolada no do’ok husi rede elétrika nasional no melloramentu biogás, biodiesel, hidricas e fotovoltaica. Sentral eletrika ne’ebé aktual eziste hamutuk hat (4) maka estabelese iha Timor-Leste, exeptu RAEOA, mak hanesan: 1. Sentral Eletrika Hera ho kapasidade ne’ebé instalada 119 MW; 2. Sentral Eletrika Betano ho kapasidade ne’ebé instalada 136 MW; 3. Sentral Eletrika Comoro ho kapasidade ne’ebé instalada 27.5 MW; 4. Sentral Eletrika Postu Administrativu Atauro ho kapasidade ne’ebé instala 2900 kVA ou 2.320 MW. Sentral Eletrika Hera – Betano hamutuk kapasidade total 255 MW no halo operasaun paralelu, Sentral Hera operasaun ho Isochronous Mode (Master) no Sentral Betano halo operasaun ho Speed Drop.
Departementu Rede Transmisaun (DRT) hala’o jestaun hodi asegura funsionamentu sistema Sub-estasaun no rede transmisaun 150KV. Implementasaun aktividades refere hala’o husi Unidade National Dispatching Center (NDC) no unidade Manutensaun Sub-estasaun no Seksaun Inspesaun, Monitorizasaun no Manutensaun Liña Transmisaun. Departementu Rede Transmisaun (DRT) nia kna’ar importante atu asegura liña transmisaun 150kV hodi transporta enerjia eletrika husi Sentrel Eletrika (SE) Hera no Betano ho kualidade no seguru ba teritoriu nasional. Atu asegura kualidade fornesimentu energia elétrika iha sistema transmisaun iha Operasaun no Manutensaun (O&M), EDTL,E.P estabelese kontratu eksterna ho Kompañia Internasional CNI22. EDTL, E.P. hahu ho nia faze reformasaun estrtura no prepara funsionáriu tékniku sira hodi servisu hamutuk ho kompañia refere bele prepara kondisaun bá serbisu iha futuru. Iha expektasaun wainhira funsionáriu tékniku sira iha ona kuñesementu no abilidade adekuadu serbisu hirak ne’e sei transfere fali bá EDTL E.P hodi hamenus dependensia iha futuru.
Departementu Serbisus Korporativos ninia responsibilidade maka hala’o jestaun Aprovizionamentu, Rekursus Humanus, Teknolojia, Informasaun no Komunikasaun (TIK) Korporativu, Administrasaun Jeral no Jestaun Logistika
Departemento Finansas i Komersiu ninia responsibilidade maka hala’o jestaun prepara planu orsamentu Empreza, jestaun financas, jestaun cash flow, jestaun taxa, akuntabilidde, empreza bá orsamentu, halo pagamentu bá saláriu funsionáriu, sistema komersializasaun enerjia elétrika jestaun patrimóniu no mós kolheta reseitas.
Responsabiliza prepara planu desenvolvimentu nasional bá sistema fornesimentu eletrisidade iha área tékniku, prepara no propoin jestaun estratégia fornesimentu enerjia tuir padraun internasional no asegura implementasaun ho kualidade tuir estandar EDTL, E.P. Apoio asistênsia tékniku bá instituisaun tékniku no privada tuir regulamentu no leis iha EDTL, E.P. Departementu Planeamentu i Sistema Eletrisidade ninia Divisaun Planu Sistema no Dezeñu, Divisaun Ekonómia no Statístika no Divisaun Saudé, Seguransa no Ambiente
