8001000 / 3339258

SE MAK AMI

INTRODUSAUN

Electricidade de Timor-Leste, Empresa Pública (EDTL, E.P.) hanesan Timor-Leste nia Empreza Pública iha setór Eletricidade no Enerjia, estabelesidu bazeia ba Dekretu Lei Nu. 29/2020, 22 Julhu. EDTL, E.P. estabelese ho objetivu prinsipal atu hare no asegura funsionamento setor eletricidade bazeia ba Politíka Governo Timor-Leste nian atu aselera asesu no fornesemento eletrisidade ba públiku ba maior parte iha teritorio nasional, kria strutura hodi reforma setor eletricidade hodi habelar no moderniza Sistema Nasionál Eletrisidade, no mós implementa jestaun atu hadia atendimentu públiku, hasa’e padraun kualidade no reliabilidade ho presu tuir kbi’it, ho konsiderasaun ba fizibilidade no sustantebilidade ba operasaun Empreza nian. EDTL, E.P. nia operasaun negósiu kompostu husi Produsaun, Transmisaun no Distribuisaun ho planu atu halo diversifikasaun ba setór enejia renovável.

VISAUN

“EDTL, E.P. sai fornesedor enerjia úniku ba ema no industria iha Timor-Leste”.

MISAUN

  • Garante funcionamentu serbisus produsaun, transportasaun, distribuisaun no komersializasaun enerjia eletrika iha Timor-Leste.
  • Promove inisiativa investimentu iha enerjia verde ne’ebé fo vantajen ekonomiku, ambiente no social.
  • Garante kualidade fornesementu enerjia no asegura direitu sidadaun sira nian ba asesu enerjia liu husi prestasaun no atendementu ne’ebé diak no equilibru ho preço eletricidade ne’ebé refletivo ho kapasidade kompra konsumidores sira nian.

OBJEKTIVU

Bazeia ba Dekretu Lei Nu. 29/2020, de 22 Julhu, EDTL, E.P. estabelese ho objetivo hanesan tuir mai:


  • Monitoriza no asegura implementasaun politíka nasional ba setor enerjia, asegura sustentabilidade ho jestaun integradu ba produsaun, transmisaun, distribuisaun no fa’an enerjia eletricidade hodi estabelese fornesementu eletrisidade tuir atendementu públiku.
  • Kria estrutura jestaun hodi halo medidas ba reforma setor eletrisidade nomós modernizasaun Sistema Nasional Eletrisidade;
  • Implementa jestaun hodi halo melhoramento no hasa’e padraun kualidade ba atendimento no fornesemento enerjia eletrika ba publiku;
  • Hatun Kusto produsaun enerjia no despezas ho konsiderasaun ba fizibilidade no sustentabilidade operasaun Empreza nian;
  • Hasa’e receitas hodi garante independensia no sustentabilidade ba Operasaun no Manutensaun (O&M) iha futuru;
  • Fó alternativa ba diversifikasaun fontes produsaun no konversaun enerjia elétrika.